Gopi hnenah Saina a kir

Pullela Gopichand nen kum thum chuang an thawhdun tawh loh hnuah Saina Nehwal chuan Indian national team coach hnenah training a nei ve leh ta.

Olympic bronze medalist Saina hian kum 2014 September thla khan Gopichand-a academy chhuahsanin Vimal Kumar kaihhruaina hnuaiah Bangalore-ah training a nei. Vimal hnuaia a awm lai hian World Championship medal pahnih bakah All England Championship-ah final a lut bawk.

Mahse, kum 27 mi Saina hian tun hnaiah beisei ang result a nei thei lo. Thla hmasa khan Glasgow-ah World Championship neih a ni a, he inelnaah hian Saina hi semifinal-ah a chak lo, coach Gopichand nen hian in­biakna neiin an thawk­dun leh dawn ta a ni.

Tun hnaiah Indian badminton-in hma a sawn nasa hle, a bulpui pakhat chu coach Gopichand a ni. Gopichand hian a academy aṭangin Olympic silver medal dawng thei PV Sindhu bakah khawvel huapa player ṭha ni phak Kidambi Srikanth, Sai Praneeth, HS Prannoy leh Parupalli Kashyap te a chher chhuak a ni.