Bengaluru-ah foreign player an kim

Indian Super League club thar Bengaluru FC chuan Spanish winger Eduardo Garcia Martin an lalut a, kum khat chhung atan contract an ziahpui. ISL-ah ram pawn player pariat neih theih a ni a, Bengaluru tan Eduardo hi an player pariatna niin foreign player dang an lak belh thei tawh lo.

Kum 27 mi winger hi Real Zaragoza youth system chhuak niin Spanish club CD Ebro leh SD Ejea tan a khel tawh bawk. Ebro chhuahsana Ejea a zawm hnu hian kum 2014 khan Ebro hi a zawm leh a, a season hman ṭhat ber he hmunah hian a hmang.

Ebro tan hian season khat chhunga goal 16 khungin Spanish third division-ah a invawrh kai pui a, Segunda Division B-ah hian goal riat a khung chhunzawm. Kum 2016-ah Real Zaragoza-in an lalut a, Spanish second division-ah match 27 inlan sakin goal hnih a khung a, tunah chuan India lamah a rawn kal ta.