Chennai City-ah foreign player pahnih

I League club Chennai City chuan forward pahnih Ildar Amirov leh Jean Michel Joachim an lakluh thu an puang. Kyrgyzstan international Amirov hian season hmasa khan East Bengal tan a lo khel tawh a, mah se coach Trevor Morgan hnuaiah beisei a phak loh hnuin chhuah zalen a ni.

Kum 29 mi Amirov hian Kyrgyzstan tan kum 2006 khan a match hmasa ber a khel a, ram tan vawi 39-a inlanah goal thum a khung sak. Kum 25 mi Joachim hian Ligue 1 club Nancy B team tan a senior match hmasa ber a khel a, senior team pangngaiah khelhtir a nih hnuin French club-ah hian season ngam a cham.

Nancy tana a khelh chhungin French third division club US Bou­logne-ah season khat chu loan-in khelhchhuah tir a ni a, nikum khan English League Two club Carlisle United leh sixth division club Kidderminster Har­riers FC tan a khel bawk.