Valentino Rossi chawl rei dawn

MotoGP rider hlun Valentino Rossi chu trai­ning-naah a chetsual avangin a ke zai a ni a, a hliam vang hian ni 30-40 chhung chu intlansiak khawvel a chawlhsan rih a ngai dawn.

Tunkar tawp hian San Marino Grand Prix tlan a ni dawn a, Yamaha chuan Rossi aiawh tur rider an neih dawn loh thu an tichiang tawh - Maverick Vinales chiahin Yamaha bike a khalh dawn tihna a ni.

Italian rider Rossi en­kawltu doctor chuan, "Hlawhtling takin zai a ni a, a hliam vang hian a rei lo berah ni 30 aṭanga 40 chhung vel tal chu a chawlh a ngai dawn," tiin rider championship-a palina Rossi chungchang a sawi.

Kum 38 mi Rossi hi San Marino bakah Sep­tember 24 a neih tur Spain lamah a inlan thei dawn lo, October 15 a tlan tur Japa­nese Grand Prix-ah a lo kir theih beisei chauh a ni.

British rider Cal Crut­chlow pawh chemte hmangin a kutah ain zai palh a, a hliam hi chilh niin kartawpa tlan tur San Marino Grand Prix-ah Honda rider hi a inlan theih beisei a ni.

Crutchlow chuan, "Ka kut zungṭang na vang hian intlansiak chu a harsa dawn tih ka hria. Mahse 100% chhuah hram chu ka tum dawn a ni, eng nge lo thleng dawn chu thlir phawt mai ang," tiin a sawi.