Joshua hmaah Pulev a ding dawn

Bulgarian boxer rothap Kubrat Pulevchuan IBF leh WBA heavyweight champion nilai Anthony Joshua nen October 28 khian Cardiff khawpuiah an inhnek tur thu a sawi.

Kum 36 mi boxer chuan, "Hun tlemte chauh ka nei chungin inbuatsaihna ngawrh takin ka nei mek. Ring chhung ka rah hunah chuan in ring tawk tak chungin ka lut dawn a, Joshua hian hun ṭha a nei lo ang," tiin a ṭawng pawr nghal hle.

Pulev chuan sawi chhunzawmin, "Anthony Joshua hi boxer ṭha tak, hmachhawn hautak em em tur a ni tih ka hria. Mahse, a inhnek dan hi ka hneh theih tur chi a ni," a ti!

Boxer pahnih inhmachhawn tur chungchangah he thu buatsaih lai thleng hi chuan Joshua te lam aṭangin thuthar a la awm lo a, nizanah khan thuchhuah an siam hman erawh beisei a ni thung.

Pulev hian vawi 26 inhnek a hmachhawn tawhah vawi khat chiah tlawm hmel a la hmu a, a ngam loh awmchhun hi Wladimir Klitschko niin 2015 khan a tlawm. Mahse, Ukrainian boxer a ngam loh hnuah match nga chu a zawnin a chak leh tawh a, IBF title fight hi a neih theih phah dawn.

Hetihlai hian kum 27 mi Joshua hian inhnek vawi 19 a hmachhawn tawhah hnehna chang vekin a khingpuite a knockout vek tawh thung a, a inhnek hnuhnung berah Pulev ngam loh tawh Klitschko hi April khan a hneh bawk.