Quarterfinal-ah US nula pali

US Open hmeichhe singles-ah player pariat chiah an dam tawh a, an zinga pali chu khawtual nula an ni. Madison Keys, Coco Vandeweghe,Venus Williams leh Sloane Ste­phens ten an rama inel­na lianah hian quarterfinal an lut vek.

Nimin zing khan Keys hian seeded palina Elina Svitolina lakah 7-6 (7-2), 1-6, 6-4 in hnehna a chang a, khawtual nula pathum dang zuiin a sang pariat zingah a inhlangkai. Ukrainian nula Svitolina hian world number 1 ni turin semifinal luh a mamawh a, mahse a beiseina chu Keys lakah a thamral.

Kum 2002 khan US nula rual Venus Williams, Serena Williams, Lindsay Davenport, Jennifer Capriati leh Monica Seles te chu quarterfinal-ah an lut khawm tawh a, hemi hnuah kumin hi US nulate an chetṭhat leh ber ṭum a ni mek.

Arthur Ashe Sta­dium-a inkhelah world number 1 Karolina Plis­kova chuan minute 46 chhung lekin American world number 91 Jennifer Brady chu 6-1, 6-0 a sawpin last 16 a paltlang ve bawk. Pliskova hian 2015 French Open finalist Lucie Safarova 6-4, 7-6 (7-2) a hnehtu CoCo Vandeweghe a hmachhawn leh ang.