Mirza chiah a dam tawh

US Open khelh mekah Indian player zingah Sania Mirza chiah a dam tawh. Zanin dar 8:30 hian Mirza leh Shuai Peng te

ṭangdun chuan hmeichhe doubles quarterfinal-ah Timea Babos leh Andrea Hlavackova te ṭangdun an hmachhawn leh ang.

Mirza leh Peng te ṭang­dun hian an match hma­sa lamah darkar hnih leh minute 18 chhungin Sorana Cirstea leh Sara Sorribes Tormo 6-2, 3-6, 7-6 te ṭangdun chu an lo hneh tawh a ni. Tun ṭum­ah hian Mirza te hi seeded palina an ni a, US Open nomawi hi kum 2015 khan lo chawi tawh bawkin a champion leh a nih chuan hmeichhe doubles bikah Grand Slam nomawi palina tur chiah a ni dawn.

French Open cham­pion Rohan Bopanna leh Gabriela Dabrowski ten mixed doubles-ah 6-3, 6-4 in Maria Jose Martinez Sanchez leh Nicholas Monroe te an hneh a. Mahse, Bopanna te ṭhiandun hi Michael Venus leh Chan Hao-ching te lakah 6-4, 3-6, 8-10 in an chak lo a, an zinkawng a tawp zui nghal.

India tlangval dang Leander Paes leh Purav Raja te ṭangdun pawhin mipa doubles lamah bei­sei an phak lo, Karen Kha­chanov leh Andrey Rublev te lakah an chak lo a ni.