Mohammedan SC President a thi

Kolkata club Moham­medan Sporting Club honorary president Sultan Ahmed chu Thawhṭanni khan lungphu chawlin a thi a, kum 64 mi a ni. Sultan hian 2002-2009 chhung khan Kolkata Big 3 an tih huang chhunga mi club-ah hian general secretary dinhmun a luah a, kum 2009-a Member of Parliament (Lok Sabha) ni tura thlan tlin a nih hnuah club president dinhmun luah nghalin a thih ni thlengin he dinhmun hi a chelh.

Sultan Ahmed hian Congress ticket-in ṭum hnih chhung chu West Bengal-ah MLA dinhmun a lo luah tawh a, kum 2009 - 2017 chhung khan Congress sorkara Manmohan Singh kaihhruaina hnuaiah Union Minister of State for Tourism dinhmun a lo chelh tawh bawk.

AIFF general secretary Kushal Das chuan, "AIFF chuan Sultan Ahmed thihna chungchangah a kal­san tak a chhungte kan tawrhpui takzet a, Pathianin a thlarau chungah zah lo ngai se tih hi kan ṭawngṭaina a ni," tiin Indian football-a thawhhlawk tan Sultan Ahmed chu a thlah liam.

Asian Football Con­federation president Sheikh Salman Bin Ebra­him Al Khalifa chuan Sultan Ahmed thihna chu pawi a tih thu a sawi ve bawk a, Indian football tana a hnathawh hlu tak chu hriat reng a nih tur thu a sawi.