Murray tan season a tawp

World number 2 Andy Murray chuan hun rei zawk a inkhelh theih nan tun season-ah tournament khelh leh a beiseiawm tawh loh thu a sawi.

Grand Slam vawi thum champion tawh Murray hi a khel bawr (hip) na vangin a chawl mek a, US Open khelh hma ni hnih chiah a awm tawh tih khan a inhnukdawk bawk. October thla a khelh tur Beijing leh Shanghai Open a khel dawn lo a, September thla a khelh tur Vienna leh Paris lmaah pawh a inlan a beisei awm tawh loh.

Kum 30 mi Murray chuan, "Hun rei zawk ka inkhelh duh chuan tuna chawlh rih hi ka tana thutlukna dik chu a ni," tiin a sawi. Murray hian tun season-ah beisei a phak lo, Grand Slam hmasa pathumah inlan vek mah se final a lut miah lo a ni.