Doubles champion lai an tla
US Open mipa doubles champion lai Jamie Murray leh Bruno Soares te chuan an nomawi kawl lai an humhim zo ta lo. Thawhlehni zan khan Murray te ṭhiandun hi Jean-Julien Rojer leh Horia Tecau te lakah an chak lo.
British leh Brazilian tlangval ṭangdun hi darkar khat leh minute hnih chhung lekin 6-1, 6-2 in an chak lo a ni. Murray leh a hmeichhe ṭanpui Martina Hingis te chu mixed doubles lamah an inlan zui a, Abigail Spears leh Juan Sebastian Cabal te lakah 6-3, 2-6, 10-8 a hnehna changin semifinal an lut.