Spain 39-0 Liechtenstein

FIFA World Cup qualifier in­khelah Spain chuan khualmualah Liechtenstein chu 8-0 zetin an luh chhuah. Ram pahnihte hi an vawi riat an inhmachhawnna a ni a, an inkhel tawhna ho belhkhawmah Spain hian goal chhuah loin goal 39 tehmeuh an khung. Goal zawng zawng hi kum 35 mi keeper Peter Jehle-a chhuah vek a ni.

Thawhlehni zan inkhelah Spain tan Chelsea centre forward Alvaro Morata leh Iago Aspas ten goal hnih an khung a, Manchester City midfielder David Silva chuan ram tana a goal 33-na ni turin free kick a chhuih lut bawk. Sergio Ramos, leh Isco ten goal khat ve ve an khung bakah Maximilian Goppel-a'n a lamah a tilut bawk.

Liechtenstein-ah hian mipui 37,000 vel an awm, an ram mipui zawng zawng hian Spain-a stadium hmingthang pakhat Santiago Bernabeu Stadium (81,044 seats) a ṭhutna zatve pawh an luah phak dawn lo tihna a ni.

Group G inkhel dangah Italy chuan minute 33-naa Ciro Immo­bile goal hmangin Israel 1-0 in an hneh. Match riat khelh tawh aṭangin Italy hian point 19 hmuin pahnihna an ni a, hmahruaitu Spain nen an inkarah point thum chiah awm mah se an goal difference intlauhna erawh goal 17 zet a ni.