Tielemans a inchhir lo

Leicester City mid-fielder Youri Tielemans chu nipui bazarah khan Arsenal-in an dawr a, King Power Stadium-ah cham a thlang. Premier League-ah Gunners hian pakhatna dinhmun an luah mek a, Foxes erawh table mawngphahah an awm thung.

Belgian midfielder Tielemans chuan, "Thawk lak nan international break a awm hi a vanneihthlak, a chhan chu Leicester-a kan dinhmun hi a harsa hle. Kan khel ṭha lo tih kan pawm a, team angin theihtawp kan chhuah ang. Chak loh reng hi a hrehawm a, ngaihtuah ngut ngut a awl. Ka fate zarah thil dang ka ngaihtuah theih phah," tiin result ṭha an neih loh avanga hrehawm a tih thu a sawi.

Nipui bazar chung-chang sawiin Tielemans chuan, "Ka contract chungchang sawi tam ka duh lo. Tun nipuiah Leicester ka chhuahsan lo a, thil tum mumal tak kan neih vang a ni. Tuna thil a kaltluan tak loh avang hian cham tura thutlukna ka siam avangin inchhirna ka nei lo," tiin a sawi.

Belgium hian zanin dar 12:15 hian Nations League-ah Wales an hmachhawn ang.