Nice-in Poch an hel

French club Nice chuan tun hnaiah result an neih ṭhat loh avangin Lucien Favre thlak nan Paris St-Germain leh Tottenham manager hlui Mauricio Pochettino an hel nia sawi a ni.

Ligue 1-ah Nice hian match riat khelh tawh aṭangin point riat chiah an hmu a, 13-naah an awm mek. Club neitu Sir Jim Ratcliffe chuan Swiss manager Favre hi thlak a duh a, a thlakna atana a duh ber chu Argentine manager Poch hi a ni.

Ratcliffe hi UK mi hausa ber ni mah se kum 50 mi Pochettino hmin erawh a awlsam dawn lo. Argentine manager hian Ligue 1-a kir hi a duh ber a ni lo a, a hlutna tihsan nan Premier League club enkawl leh a duh nia hriat a ni.