Euro 2024 khel thei lo tur Russia

Ukraine nena an indona chuan Russia a la nghawng zel. Ram pahnih buaina avang hian Russia chuan Euro 2024 qualifier an khelh thei dawn lo - UEFA leh FIFA chuan a la hrem chhunzawm dawn tihna a ni.

Euro 2024 hi Germany ramin a thleng dawn a, October 9 hian Frankfurt-ah qualifying khelh dan tur pawh a ni dawn. UEFA chuan, "Russia chu UEFA European Football Championship 2022-24 qualifying draw-ah an tel dawn lo," tiin thu chhuah a siam.

Russia hi Qatar World Cup playoff khel tur kha an ni a, mahse hei pawh hi an khel chhunzawm thei lo. Football inelna lian ber World Cup-ah pawh hian an inlan thei dawn lo, indona hian nghawng a nei na hle.