Denmark tan playoff a hnai?

Zanin dar 12:15 hian Croatia-in Nations League-ah Denmark an mikhual dawn. Group 1-ah hian Croatia leh Poland bakah Austria leh champion lai France te awm mah se playoff lut turin Denmark dinhmun a ṭha ber. Coach Kasper Hjulmand hote hian Croatia hi an hneh thei a nih chuan playoff khel turin an tling ang.

Chutihrualin Denmark hian an mualah Croatia hi 1-0 in an hneh lo a, zanina an inkhelhna tur hi Croatia khawpui Zagreb a nih dawn avangin hna a harsa dawn. Zanin hian Denmark hian jersey dum (third colour) an ha dawn a, Danish Dynamite-in kawr dum an vawi khat hakna tur a ni.

Inkhel dangah France leh Austria te an inkhel dawn a Les Bleus hi champion lai ni mah se kuminah nomawi an humhim thei tawh lo - an khelh hmabak hi chu 'relegation battle' tiha sawi theih a ni.

France player zingah Karim Benzema, Paul Pobga, Ngolo Kante, Kingsley Coman, Presnel Kimpembe, Lucas Hernandez, Hugo Lloris, Ibrahima Konate, Adrien Rabiot, Boubacar Kamara, Theo Hernanez leh Lucas Digne te an inhliam a, coach Didier Deschamps tan a luhai thlak khawp ang.