NBA-in Edwards-a pawisa chawitir

Minnesota Timbe-rwolves guard Anthony Edwards chu £31,100 (Rs 28,18,997) chawi turin an hrem, pawisa an chawitir chhan hi social media-ah mawngkawhur ho deusawhna ṭawngkam a hman vang a ni.

Tun thla tir khan Instagram-ah, kum 21 mi Edwards hian mahni anpui kawp chingte a thlawp loh thu a sawi a, a hnuah a paihthla (delete) leh nghal. A thil sawi avang hian a inthiam lo a, ngaihdam a dil nghal bawk.

Mahse, basketball thuneitu sang NBA beng a thleng a, a thil tih avang hian hremna a hmu ta tho.