Match hnih khel lo tur Di Maria

Juventus forward Angel Di Maria chu Monza an hneh loh ṭumin hnawhchhuah a ni a, an khingpui player a nghawk avang hian Serie A match hnih chhung khel thei lo tura hrem a ni.

Chawlhlawk hma minute nga chauh awm tawhah Di Maria hian Armando Izzo a nghawk, hream a nih avang hian Bologna leh champion lai AC Milan te a hmachhawn thei dawn lo - Old Lady tan channa lian tak a ni ang.

Kar tawp Serie A thil thleng dangah Jose Mourinho chu hram a ni bawk - match khat a naute a kaihruai thei dawn lo, an elpui Inter Milan nen an inkhelh hunah a naute a ho thei dawn lo tihna a ni.

Portuguese manager hi Atalanta nen an inkhelh ṭumin hnawhchhuah a ni, penalty hmu ngei tura an inngaih chu pek an ni lo a, he thil thlengah hian lungawi loin khelmualah a lut hial - red card an lo pe.

Serie A table-ah Roma hi parukna an ni mek, league match sarih aṭangin point 13 an hmu. Hmahruaitu Napoli chuan point 14 an nei thung a, season hmasa aiin Italian champion nih tuma inel an tam dawn.