MFA Futsal League Playoff

September 19 aṭanga khelh ṭan tur MFA Futsal League Playoff khel turin team 25-in hming an pe a, security deposit Rs 10,000 ṭheuh an thehlut tawh bawk. Heng team-te hi group hnihah ṭhen an ni a, an inkhelh kual hnuah a tawpah team 16-in MFA Futsal League an khel ang.

Group A leh Group B-ah ṭhen an ni a, Group A-ah team 13 awmin Group B-ah team 12 an awm a, an awmna tur group hi team aiawhin an pawt fel vek tawh a ni. Group pahnih hi an inkhelh chhuah vek hnuah a sang pariat ve vein MFA Futsal League an khel thei ang. A sang 16-a tel lo zawng chu MFA Futsal hnuaia Division I-ah an awm ang.

Playoff fixture hi tihchhuah thuai a ni ang a, Playoff hi a hun chhung a rei dawn avangin zirna leh hnathawh tibuai lo thei ang ber turin chaw­hnu dar 2:00 hnu lamah zel khelh a ni ang.