Semifinal-ah US nula pali

US Open khelh mekah hmeichhe singles nomawi chu khawtual nula ten an chawi dawn tih a chiang tawh. Nilaini zan khan quarterfinal khelh zawh niin Madison Keys chuan Kaia Kanepi hnehin semifinal a lut - a sang pali Coco Vandeweghe, Venus Williams, Sloane Stephens leh Keys te hi US nula vek an ni.

Flushing Meadows, New York-a inkhelah Keys hian Kaia Kanepi chu 6-3, 6-3 in a hneh. Inkhel dangah Vandeweghe chuan world number 1 leh seeded pakhatna ni bawk Karolina Pliskova chu 7-6 (7-4), 6-3 in a hneh ve bawk.

Kum 1981 khan US Open semifinal-ah American nula hlir an inhmukhawm tawh a, kum 1985 Wimbledon khan a sang pali chu US star vek an ni tawh bawk, tun ṭum hi a vawi thum nana Grand Slam semifinal an luah khah lehna chiah a ni.