North East Zone Badminton C'ship a zo ta

Nimin khan North East Zone Badminton Championship chu R. Dengṭhuama Hall-ah khelh zawh a ni.

Inelna thlengtu Mizoram chu Senior Mixed Team inelnaah pahnihna an ni a, Manipur chu pakhatna a ni. Open inelnaah Lalduhawma leh F. Vanlalhriatpuii te inkawp chuan Mizoram tan gold medal an la a, mixed doubles final-ah Nagaland aiawh Joseph Sumi leh Prathana Thapa te inkawp chu an hneh.

Mizo nula pahnih Lalrinzuali leh Hriati te inkawp erawh women's doubles final-ah an vanduai a, Arunchal Pradesh aiawh Pinky Karki & Taring Yania te an hneh lo.

Mipa Singles final-ah Assamese shuttler Hirakjyoti Neog chuan India Junior number 1 hlui Laa Talar (Arunachal Pradesh) hnehin pakhatna a ni a, women's singles-ah pawh Assam nula Ashmita Chaliha chuan Manipur shuttler N. Angita Devi chu a hneh ve bawk.

Inelna hi team inelna leh open inelnaah ṭhenhran a ni a, senior leh junior level-ah ṭhen hran ve ve a ni. Team inelnaah Manipur chu senior mixed-ah an champion a, pahnihna chu Mizoram an ni. Junior mixed-ah Assam-in pakhatna ni turin Manipur an hneh.

Open inelnaah hian player 112 telin match 102 khelh a ni. Open inelna bikah hian Assam chuan gold la hnem berin berin gold 5 an la a, Manipur-in gold 3 lain an dawt.

Badminton khawmpui lianah India hmar­chhak state pariat - Assam, Arunachal Pradesh, Mizoram, Manipur, Meghalaya, Nagaland, Tripura leh Sikkim te an tel kim vek a, player leh official mi 149 an tel a ni.

Open Final Results
SENIOR
Men's Singles
Hirakjyoti Neog (Assam) def Laa Talar (Arunachal Pradesh)
Women's Singles
Ashmita Chaliha (Assam) def N. Angita Devi (Manipur)
Men's Doubles
Anjan Buragohain & Ranjan Buragohain (Assam)
def Riku Khape & Taliakum (Nagaland)
Women's Doubles
Pinky Karki & Taring Yania (Arunachal Pradesh)
def F. Vanlalhriatpuii & Lalrinzuali (Mizoram)
Mixed Doubles
Lalduhawma & F Vanlalhriatpuii (Mizoram)
def Joseph Sumi & Prathana Thapa (Nagaland)

JUNIOR (Under 19)
Boys Singles
Bidyasagar Salam (Manipur) def Orijit Chaliha (Assam)
Girls Singles
Isharani Baruah (Assam) def Chimran Kalita (Assam)
Boys Doubles
Pragyanjyoti Gogoi & Rajsekhar Das (Assam)
def Bidyasagar Salam & L. Unil Kumar Singh (Manipur)
Girls Doubles
K Priya Devi & N Purnima (Manipur)
def Selina Rai & Sunandita (Sikkim)
Mixed Doubles
L. Unil Kumar Singh & N. Purnima (Manipur)
def Yumlam Mopi & Biki Lakmi (Arunachal Pradesh)