Beisei phak lo Mayweather leh McGregor

Floyd Mayweather leh Conor McGregor te inhnek enna man ticket an hrahna zat kha pound makatduai 42.5 a ni a, boxing match khata ticket man an hmuh nem ber pahnihna a ni.

August 26 zinga May­weather-a'n McGregor a hneh lai kha ticket hralh hnem bera tura ngaih a ni. Mahse, ticket aṭanga an sum hmuh zat hian kum 2015-a American boxer Mayweather leh Manny Pacquiao te inhnek en man ticket lut zat pound makatduai 55.4 kha a phak lo.

Hneh loh nei loa boxing chawlhsantu May­weather leh Irish tlangval McGregor te inhnek ṭum khan T-Mobile Arena, Las Vegas a ṭhutna 7,000 chuang zet a ruak a, TV kaltlanga sum lut tur zat erawh tih chian theih a la ni lo thung.