Premier League bikah Season ṭan hmain transfer hun tawp dawn
Premier League club-te chuan season thara transfer kalpui dan chungchangah vote an la a, 2018-19 season ṭan hmaa tawp turin thutlukna an siam.
Manager-te chuan season ṭan hnua player lakluh theih avangin an inbuatsaihna kawngah harsatna an neih avangin transfer kalphung an sawisel. Nakkumah chuan Premier League ṭan hma August 9, Ningani zan dar 9:30 (IST)-ah transfer hun tihtawp a ni ang.
Kalphung thar chu
Transfer kalphung tharah chuan Premier League club tan player lakluh theih hun chhung a tawi dawn tihna a ni a, player hralh chhuah hun erawh transfer hun pangngai an zawm thung ang.
Kalphung pangngai thlak tur hian Premier League club 20 aṭangin 14 ten ngaihdan thuhmun a neih a ṭul. Tun
ṭumah pawh hian club hrang hrang ngaihdan a inang lo a, club panga Manchester United, Manchester City, Watford, Swansea leh Crystal Palace ten transfer hun thlak hi an duh lo a, Burnley-in ngaihdan an nei lo bawk.
Amaherawhchu, transfer hun thlak duh club 14 an awm a, Premier League club-in player an lak theih hun chhung chu ram dang aiin a zo hma dawn tihna a ni. Transfer chungchanga kalphung thar hi Premier League club chiahin an zawm dawn a, an hnuaia awm Football League lam pawhin an zawm chhoh a rinawm a, amaherawhchu club neitu lam nena an sawi ṭhat erawh a la ṭul thung ang.
Premier League transfer hun hi a tawi dawn tihna a ni lo a, FIFA dan pal zut chuang loin transfer hun hi ni 12-a ṭan hma a ni thung ang.
Kalphung ṭha zawk?
August thla khan Tottenham striker Harry Kane chuan transfer tawp hun sawn hma a nih chuan player-ten inkhelah chauh ngaihthuahna an sen hma theih tur thu a sawi a, hei hian ṭawmpui a ngah hle.
Arsenal manager Arsene Wenger chuan, "Player-te hian an dinhmun a chian a ngai a, an chhuah dawn leh dawn loha an buai reng chuan hna an thawk
ṭha thei lo. Chuvangin inelna
ṭan hmain transfer hun hi a tawp a ṭul a ni," tiin Kane a thusawi a ṭawmpui.
Manchester United manager hlui Sir Alex Ferguson pawhin Barcelona-in Liverpool midfielder Philippe Coutinho lak an tum chungchang an zawh ṭumin transfer hun tihtawp hma chu
ṭha a tih thu a sawi ve bawk.
Everton manager Ronald Koeman chuan, "Premier League chauhin kan tawp hma chuan buaina dang kan la nei dawn tho. Chuvangin he dan mawlmang tak hi kan tihtawp vek a ṭul a ni," tiin ram dang pawhin zawm ve se a duh thu a sawi.
Manchester United manager Jose Mourinho chuan, "Khawvel club lian ber berte pawhin kan lakluh theih tawh loh chuan kan hralh dawn bik lo tih hi hria se ka duh," tiin a sawi.
Ṭha titu an awm
Italian champion Juventus director general Giuseppe Marotta chuan, "Premier League thutlukna hi a fing hle. Europe ram dang zawng pawhin an hnung kan zui a ṭul a ni," tiin a ṭawmpui thu a sawi.
Roma sporting director Monchi pawhin Premier League club-te thutlukna chu nghawng
ṭha thlen thei tura awmze nei a nih thu a sawi a, Ligue 1 champion Monaco vice-president Vadim Vasilyev pawhin ṭha a tih thu a sawi lang bawk.
La Liga thupuangtu erawhin club nena sawi ho a la
ṭul tur thu a sawi thung a, an ngaihpawimawh ber a nih loh thu a sawi lang bawk.