Conte Chelsea Chak

Premier League champion Chelsea chuan khuamualah Leicester City lakah 2-1 in hnehna an chang.

Blues tan Foxes player hlui N'Golo Kan­te-a'n chakna goal a khung. France international Kante hian a club hlui laka zahna lantir nan a goal khung a lawm (celebrate) lo.

King Power Stadium-ah Alvaro Morata-a'n chawlh­lawk hmaiin defender Cesar Azpilicueta siamsak a khung a, Foxes hian Jamie Vardy-a penalty hmangin goal khung ve mah se an mamawh ang goal an neih belh thei lo.

Chelsea hian tun hnai seaon li chhung chu September thla chhungin league match-ah khual­mualah an chak ngai lo, he record duhawm lo tak hi Antonio Conte nauten an titawp.

Blues tan hian playmaker Eden Hazard chu tun season-a a vawi khat nan a club tan a inlan a, defender thar Davide Zappacosta pawh hun tawp dawn hnaiah luhtir a ni bawk.

Conte chuan, "Inkhel thunun taka hnehna kan chan theih avangin a lawmawm. Alvaro hmasawn dan kan hmu a, Eden-a pawimawh zia hmuh turin a awm bawk. Player ṭha hian an theihna tak ti lang turin hun an mamawh chang a awm a, chutih rualin tuna an khelh dan pawh hian mi tilungawi," a ti.

London club hian Thaw­lehni zan hian Conte hnuaia Champions League match hmasa ber an khel dawn a, Stamford Bridge-ah Azerbaijan club Qarabag FK an mikhual ang.