World champion naupang ber Benavidez

American boxer David Benavidez chu world super-middleweight title la thei naupang ber a ni. Benavidez hian kum 20 leh thla kua chauh ni chungin WBC belt a hreng thei a ni.

Benavidez hian Roma­nian boxer Ronald Gavril chu split decision in a hneh. Benavidez hi round 12-naah che fuh lo deuh mah se judge ten 117-111, 116-11 in chak zawkah an ngai a, judge pakhat chuan 116-111 in Gavril a dah chungnung zawk thung.

Feet 6 leh 2 in-a sang Benavidez hian inhnek vawi 19 a hmachhawn tawhah hneh loh a la tawng lo a, a khingpui 17 zet chu a knockout a ni. Middleweight champion thei naupang ber a nih avang hian mi tam tak chuan a lakah beisei an nei sang hle.

Benavidez chuan, "Ka naupan lai aṭangin hetiang dinhmuna ding tur hian duhthu ka sam ṭhin, ka duhthusam a thlen dik theih nan ka rilru leh taksa ka sawisawi char char bawk. Tunah chuan mumang ramah ka cheng mek a ni," tiin a sawi.