ATK-ah Spanish defender

Indian Super League champion Atletico de Kolkata (ATK) chuan Spanish defender Jordi Figueras Montel chu an foreign player parukna ni turin an lalut.

Kum 30 mi Jordi hian tun hma lamin La Liga club ṭhenkhat Celta Vigo, Real Betis leh Real Valladolid tan pawh a lo khel tawh a, Spain bakah Russia leh Turkey lamah tawnhriat a nei tawh bawk. Belgian club Club Brugge tana a khelh laiin Europa League pawh a khel tawh a ni.

ATK principal owner Sanjiv Goenka chuan, "ATK chhungkua chuan Jordi hi kan lo lawm a, a tawnhriat neih hmang hian kan tlarhnung a puih ngei kan beisei," a ti. Jordi hian India chuan football-ah nasa taka hma a sawn thu leh ISL a khel thei tur chu a lawm thu a sawi ve bawk.