Mirza te zinkawng a tawp

Wimbledon hmeichhe doubles-ah India nula Sania Mirza leh Shuai Peng te tan nomawi bei­seina a tawp. Seeded pa­lina Indo-Chinese pair hian Swiss star Martina Hingis leh Yung-Jan Chan hneh loin semifinal-ah an tla.

Zirtawpni zan in­khelah Mirza leh Peng te hian bul an ṭan ṭha a, 3-0 in hma an hruai nghal. Mahse, an beisei angin an khel zui lo. Tawnhriat ngah Hingis ten thapui thawhletin 6-4, 6-4 in hnehna an chang let a ni.

Hmeichhe doubles world number 1 hlui Mirza hian kumina Grand Slam paliah final a lut phak lo vek, French Open bikah phei chuan hneh nei loin a tla nghal. Ranking-ah pawh number 1 aṭangin pakuanaah a tlahniam tawh a ni.