Nomawi nen David Villa a chawl

Spain football legend David Villa chuan Vissel Kobe tana nomawi chawi chungin football khawvela a match hnuhnung ber a khel a, January 1 khan Emperors Cup-ah Kashima Antlers chu 2-0 a hnehin an champion. 

Vissel Kobe tan hian Tomoya Inukai (own goal) leh Noriaki Fujimoto te chuan goal khat ve ve an khung a, Japanese club lar Kashima Antlers-in a chhanletna tur an nei thei lo.

Kum 45-a upa club Kobe hian an club chanchinah nomawi liantham an la chawi ngai lo a, club neitu Hiroshi Mikitani chuan history siam inbeiseiin sum tam takin European player 

ṭha a lalut. Villa bakah hian Andres Iniesta, Germany international hlui Lukas Podolski, Arsenal leh Barcelona defender  hlui Thomas Vermaelen leh Barcelona midfielder hlui Sergi Samper te an 

kawl bawk. 

Kum 38 mi Villa hian November 2019 khan inkhelh a chawlhsan tur thu hi a lo puang tawh a, hliamin a tihbuai fo avangin tun hma a phak tawh lo - Emperors Cup final-ah pawh hian bench aṭanga luhtir a ni a, he inkhel hi Olympic 2020 thlenna tua sak National Stadium-a match khelh hmasak ber a ni.