Ni 77 hnu lekah De Boer ban

12th September, 2017

Crystal Palace-in Premier League match liah an khingpui an hneh lo vek a, ni 77 hnuah Frank de Boer an ban. Dutch manager thlakna tur hi England manager hlui Roy Hodgson a nih a rinawm.

Eagles hian league match paliah Burnley FC (1-0), Huddersfield (3-0), Liverpool (1-0) leh Swansea City (2-0) te an hneh lo a, point engzatmah an la hmuh loh bakah goal an la khung lo. Dutch manager De Boer-a hnuaia Crystal Palace chak chhun chu EFL Cup-a Championship club Ipswich Town 2-1 a an hneh ṭum chauh a ni.

Kum 70 mi Hodgson hi manager nghet atana lakluh a nih chuan kum ruk chhunga Eagles manager pasarihna a ni ang.