An intawng leh ta ; Zaninah Barcelona vs Juventus

FC Barcelona-in UEFA Cham­­pions League season ṭan nan Juventus an hmachhawn nghal dawn. Zanin dar 12:15 hian Nou Camp-ah Europe club lian pahnih hi an inkhel ang a, Sony Ten 2-ah a en theih ang.

Italian wall

Season liam ta quarterfinal-ah Barcelona-in Italy-ah goal an khung thei lo a, Nou Camp-ah pawh an khung chuang lo. Bianconeri erawhin an mualah goal thum an khung a, 3-0 in hnehna an chang.

Juventus ropuina belh­chhahtu chu hemi ṭuma an dan chah Barcelona hi an phur vanglai tak a ni. Catalan club hian khualmualah Paris Saint-Germain 0-4 in an hneh lo a, an mualah 6-1 in an lehthal. Barca tana goal khungtute hi khawvela player ṭha rual Lionel Messi, Neymar leh Luis Suarez te an ni a, Italian club an zam phah lo.

Bianconeri hian Juventus Stadium-ah Paulo Dybala-a'n goal hnih a khung bakah Giorgio Chiellini-a'n a pet goal bawk. Italian club tana chhuanawm chu an tlarhnung a ni a, vawi hnih an intawnah kee­per Gianluigi Buffon, Chiellini, Bonucci, Alex Sandro leh Dani Alves te chuan attacking trio

ṭha ber zinga mi MSN an dang a, goal khat pawh an chhuah lo.

A dang tawh

Juventus-in defender pawi­­­mawh Bonucci chu an hmel­ma AC Milan lakah an chan a, Dani Alves-a'n con­tract pawtsei duh loin Paris Saint-Germain a zawm bawk. Bianconeri hian season

ṭanna inkhel Supercoppa Ita­liana-ah Lazio 2-3 in an hneh lo a, goal thum an chhuah.

Italian champion hian Serie A match thum khelh tawhah la chak vek mah se Genoa an hneh ṭumin goal hnih an phur hmasa a, an tlarhnung a phui tawk lo.

Barcelona-in PSG lakah Ney­mar an chelh thei lo a, amah­erawhchu Luis Enrique thlaktu coach thar Ernesto Valverde lakah an tlarhnung a phui ṭha hle. German keeper Marc-Andre ter Stegen-a'n goal net aṭangin ball chhar tur a la nei lo a, match thum khelh tawhah la chak vekin goal 9 an khung tawh bawk.

Catalan club-in Brazil cap­tain Neymar chan mah se Lionel Messi an la kawl a, Barca-ah hian lut chhuak an awm ve reng nachungin Argentina captain erawh rinrawl a ni reng. Barca hian tun season-a official match vawi nga an khelh tawhah goal 10 an khung a, chung zinga goal ruk chu kum 31 mi Messi khung a ni.

Neymar thlakna tura lakluh Ousmane Dembele pawhin a thiam zia a lantir a, Espanyol an hmachhawn ṭum­in French forward hi bench aṭanga lutin Suarez goal khung tur a siam sak.

Engtin zel?

Nou Camp-ah Juventus hma­bak hau tak zawk an hmachhawn dawn a, midfielder ṭha pahnih Sami Khedira leh Claudio Mar­chisio te an chhawr thei dawn lo. Defender pawimawh Chiellini chu chawn hliam vangin a dinhmun a chiang lo bawk.

Amaherawhchu, Juve hian Bayern Munich aṭang­in Douglas Costa an nei thar a, mamawhna hmuna hman theih Fe­derico Ber­nardeschi leh French midfielder Blaise Matuidi te an neih belh avangin Catalan club an hma­chhawn hun­ah an squad neih

ṭhatna hi an ṭhat pui ang.

Italian club tlarhnungin hna an ngah dawn a, chutihrualin Argentine forward Paulo Dyba­la-a'n Spanish manager Valverde hnuaia Catalan club tlarhnung chu a fiah thung ang. Group D inkhel dangah Olympiakos Piraeus leh Sporting CP te an inkhel bawk dawn a ni.

Zanin Inkhel Tur
Group A
Benfica 12:15 AM CSKA Moscow
Manchester United 12:15 AM Basel
Group B
Bayern Munich 12:15 AM Anderlecht
Celtic 12:15 AM PSG
Group C
Chelsea 12:15 AM Qarabag
Roma 12:15 AM Atletico Madrid
Group D
Barcelona 12:15 AM Juventus
Olympiakos Piraeus 12:15 AM Sporting CP
September 13, Nilai zan
Group E
Maribor 12:15 AM Spartak Moscow
Liverpool 12:15 AM Sevilla
Group F
Feyenoord 12:15 AM Manchester City
Shakhtar Donetsk 12:15 AM Napoli
Group G
RB Leipzig 12:15 AM Monaco
Porto 12:15 AM Besiktas
Group H
Real Madrid 12:15 AM APOEL
Tottenham Hotspur 12:15 AM Borussia Dortmund
* Group tin hi vawi hnih ṭheuh (home & away) an inkhel ang.
* A sang pahnihin team 16 awmna knockout stage an lut ang.
* Pathumnain Europa League Last 32 an khel ang.