Champions League-ah Neymar hoin PSG inlan dawn

Paris Saint-Germain forward Neymar chuan fans lamin eng anga nasa pawhin "Boo" khum mah se atan buaina tur a awm loh thu a sawi. PSG hian Champions League Group B match khel turin zanin dar 12:15 hian Scottish club Celtic an lenchilh dawn.

PSG neitu ten Champions League nomawi an duh a, manager Unai Emery an lalut. Spanish manager hian hlawhtling tur chuan player ṭha a mawmawh a, pound maktaduai 200 man Neymar leh rawlthar duhawm Kylian Mbappe an lalut - player thar pahnih tan an Champions League match hmasa ber tur a ni ang.

Kum 25 mi Neymar chuan, "In auhel tih vel hi chuan ka inkhel a ti buai ngai lo, manager ṭha takin a kaihhruai team kan hmachhawn dawn a ni a, kan hna a harsa dawn hle," a ti. Liverpool manager hlui Brendan Rodgers hian Celtic chu kum zawnin Champions League a khelh pui thei a ni.

Brazil captain Neymar chuan sawi zawm­in, "Rodgers-a'n Reds a enkawl lai khan Luis Suarez leh Philippe Coutinho te a enkawl tawh a, tlarhnung lamah an inrem nghek dawn bik lo ang tih a rin theih. Attacking game khel ṭhin a ni a, kan inkhel turah hian goal a luh hnem pawh a rinawm," tiin a sawi.