T20 World Cup a beiseiawm - Aussie Sports Minister

6th May, 2020

Australia chuan kumin October 18 aṭanga neih ṭan tura ruahman T20 Cricket World Cup chu neih theih ngei a beisei thu a sawi a, amaherawhchu Covid-19 vangin entu awma inkhel erawh a beiseiawm loh.

Cricket Australia chief executive Kevin Roberts chuan August thla hian Cricket World Cup an thleng thei dawn em tih a chian tur a sawi a, inelna zawha India nena an khelh tur series erawh an neih theih ngei a rinawm.

Sports Minister Richard Colback chuan, "Tun nipui hian India-Australia series hmuh theih ngei hi ka duhthusam a ni a, World Cup khelh thei ngei se ka ti bawk. Buaina tur chu team a ni dawn lo a, mipui lam a ni thung," tiin a sawi.

July thla hian Australian Federal Government chuan ramri venhim dan tur chungchang an ngaihtuah dawn a, an thutlukna hi cricket lam thuneitu ICC tan a pawimawh ang.