Zaninah India Vs Australia

Zanin dar 7:00 hian Vidarbha Cricket Association Stadium, Nagpur-ah India leh Australia ten T20 series match thum an khelh tura vawi hnihna an khel ang. Australia hian match hmasa zawkah hnehna an chang a, Men in Blue-in 209 tehmeuh target chhawpsak mah se mikhual team hian hnehna an chang tho.

India hian Asia Cup chhiar telin match hnuhnung paliah vawi thum an chak lo a, World Cup T20 a hnaih tawh avangin insiam ṭhat an mamawh hle.

Kum dang ang bawkin India batter-te an rintlak a, bowling lam an ṭha tawk lo. Zanin hian India chhuanvawr Jasprit Bumrah chu khel thei tura beisei a ni a, ani hi inhliam vangin Asia Cup-ah pawh a inlan tawh lo. Bumrah hian T20 World Cup hmain match fitness a mamawh hle.

Team pahnih squad
India: Rohit Sharma (C), KL Rahul (vc), Virat Kohli, Suryakumar Yadav, Deepak Hooda, Rishabh Pant, Dinesh Karthik, Hardik Pandya, Ravichandaran Ashwin, Yuzvendra Chahal, Axar Patel, Bhuvneshwar Kumar, Harshal Patel, Deepak Chahar, Jasprit Bumrah, Umesh Yadav.

Australia: Aaron Finch (C), Sean Abbott, Ashton Agar, Pat Cummins, Tim David, Nathan Ellis, Cameron Green, Josh Hazlewood, Josh Inglis, Glenn Maxwell, Kane Richardson, Daniel Sams, Steve Smith, Matthew Wade, Adam Zampa