United player-te khawl ang an ni - Evra

Patrice Evra chuan Sir Alex Ferguson-a'n Manchester United a enkawl laia player-te kha chu khawl (robot) ang mai an nih thu a sawi. Ferguson khan English club kha nomawi 38 lai a lakpui a ni.

United defender hlui chuan, "Mikael Silvestre-a inah kan awm a, inkhel kan en. Chelsea inkhel ni tain ka hria, an chak lo a, keini kan champion phah thung. Lawm avangin ka lam a, nasa takin ka zuang kual.

"Mikael erawh kei angin a phili chiam ve lem lo, ka au bengchheng chu insum deuh turin min hrilh, ani kha chuan kha tih lai khan league nomawi pali lai a lo chawi tawh. Hlawhtlinna lian hmasa chu a hluin a danglam bik, a hnu lamah erawh nomawi leh thil ṭha tih pawh ngaia neih theih chin a awm," a ti.

Manager chungchang sawi zuiin Evra chuan, "Ferguson khan khawl ang aia awm turin min zirtir. Manchester United tana ka khelh lai khan mihring pangngai ang pawhin ka in ngai lem lo, thil ṭha pangngai kan tih pawh ka a mak hran lo - United kan ni tlat a," tiin Man United tana a khelh lai chu chhuang takin a sawi bawk.

France international defender hlui hian Old Trafford-ah season riat chhung hun a hmang a, league nomawi panga bakah 2008 khan Champions League nomawi a chawi.