Ramthar leh MAP an tlang

Aizawl DFA buatsaih Season Opening Tournament khelh laiah, II division final khel tur a hriat ta. September 28, Nilaini hian Ramthar Veng FC leh 1st MAP Academy te chuan a thiam ber nih an inchuh ang.

Nimin kha Lammualah semifinal pahnih khelh niin, inkhel hmasa zawkah Ramthar Veng leh Young Star United te goal awm loin an inhnehtawk. Penalty shootout hmanga chak zawk zawn niin Ramthar hi 3-0 in an chak.

Inkhel hnuhnung zawkah Chaltlang leh MAP Academy te a tir lamah an inhnehtawk viau a, chawlhlawk laiin 1-1 a ni. Second half-ah team ṭha an inlar - MAP tan Lalhriattluanga chuan hattrick siamin a team hi 6-1 in a chakpui.

III division pawh semifnal khelh hun tur a chiang. September 26, Thawhṭanniah a thiam pali an inel dawn.

Ramthar Veng FC 0 - 0 Young Star United, ITI
(Penalty shootout-ah Ramthar Veng FC 3-0 in an chak)
Chaltlang FC 1 - 6 1st MAP Academy
CHA: Zomuansanga 26'
MAP: Remruatfela 39', 83'; Lalhriattluanga 49', 59', 77'; Lalrohlua 88'