Snooker Ranking Tourney awm dawn

Mizoram Snooker & Billiards Association chuan Mizoram State 6 Red Snooker Ranking Tournament chu September 27-30 chhung hian MSBA Hall, Hawla Indoor Stadium-ah a buatsaih dawn.

Inelna hi Mizoram State Sports Council sponsor a ni a, Mizoram State 6 Red Snooker Ranking Tournament-ah hian a duh apiang tan tel theih a ni.

Entry fee Rs 200 (per head) hi MSBA Hall caretaker hnenah September 24, Inrinni zan dar 7:00 thleng a pek theih. Inelna hi knockout hmanga khelh a ni ang.