South Africa-in inkhelh ṭhat an remti

South African football chief chuan FIFA-in 2018 World Cup qualifier Senegal nena an khelh tawh khel ṭha tura an tihna chu an pawm thu a sawi a, hetihrual hian an match chu engkim dik taka kalpui a ngaih tur thu an sawi thung.

Nikum khan ram pahnih hi an inhmachhawn a, Senegal lakah 2-1 in South Africa hian hnehna an chang. Mahse, he inkhel thununtu referee Joseph Lamptey chu dik lo taka South Africa hnenah penalty pea puh a ni. Senegal defender Kalidou Koulibaly chu penalty area-ah handball angin a ham a, mah se replay en chuan a khupah ball hian a fuh niin a lang.

Hei vang hian Ghanaian referee hi FIFA chuan a dam chuung zawnga inkhel thunun thei tawh lo turin a hrem a, ram pahnih hi inkhel ṭha turin thupek an pe bawk. South African Football Association (SAFA) hian a tirah khin let an tum thu sawi mah se FIFA duhdana kal an thlang ta zawk.