Prakash Padukone chawimawi dawn

Badminton Associa­tion of India (BAI) chuan Rajiv Gandhi Indoor Stadium, Kochi, Kerala-ah September 11, Thawhṭanni khan Special General Meeting an nei a, BAI hian badminton-a sulhnu neih ṭhat vanga Arjuna Award dawng tawh Prakash Padukone chu Lifetime Achievement Award an pe dawn.

BAI hian kum tinin Lifetime Achievement Award a sem chhuak dawn a, he chawimawina hian citation bakah cheng nuai 10 a keng tel ang. Chawimawi hmasak ber tur Padukone hi All England Championships-ah kum 1980 khan pa­khatna a ni tawh a, Com­monwealth Games 1978-ah gold medal a la a, 1981 Badminton World Cup-ah gold medal a la bawk.

Kum 62 mi Padukone hian kum 1991 khan inkhelh a chawlhsan a, hemi hnu hian BAI chairman hun rei lote chhung ni lehin kum 1993 - 1996 chhung khan Indian national badminton team coach a ni leh bawk. Tunah hian Prakash Padukone Badminton Academy chu a kalpui mek bawk.

Special General Mee­ting-ah MBA president C. Zorammuana leh AC Zonunmawia (Exe. member, MBA) te an tel a. He meeting hian Indian shuttlers, BWF ranking-a no. 50 chin chunglam chuan BAI Senior Natio­nal Championship-ah kum khat chhungin vawi hnih tal last 16 aṭanga khel ziah tawh turin an rel a. State tina state asso­ciation te hnenah coach pahnih rawihna man pek leh shuttle cock pek a, bad­minton training kalpui vek tura ruahman a ni bawk.

Hei bakah hian state tina state association te chu badminton stadium sakna tur ram 8 acres neih tuma hma la turin a ngen a, stadium sakna senso chu BAI lamin a ngaihtuah dawn a ni.