Saina leh Srikanth inhnukdawk

Tunkar chhungin Badminton Korea Open Super Series khelh a ni dawn a, hun tepter takah Saina Nehwal leh Kidambi Srikanth te chu hliam tenau avangin an inhnukdawk.

Kuminah Indian shut­tler-ten result an nei ṭha thei hle, Super Series leh Premier tournament khelh tawh paruk zinga paliah Indian shuttler vek an champion. Korea-ah hian PV Sindhu leh Sai Praneeth te an inlan thei thung ang.

Rio Olympic silver medalist Sindhu hi seeded pangana a ni a, round hmasa lamah player langsar an hmachhawn lo ang, a chak chho zel a nih erawh chuan quarterfinal-ah world number 1 Tai Tzu Ying nen an intawng dawn a ni.

Indian shuttler dang - Praneeth, HS Prannoy, Sameer Verma leh Sourabh Verma ten mipa singles main draw an tling nghal a, hetihlai hian Parupalli Kashyap erawhin qualifier a khelh a ngai dawn thung