Winter Olympics sawn tumna a awm lo

International Olympic Committee president Thomas Bach chuan 2018 Winter Olympic Games sawn tumna an neih loh thu a sawi chhuak.

Nakkum February 9-25 chhung hian Pyeong­chang, South Korea-ah Winter Olympic hi neih tur a ni. Inelna neihna tur hmun Pyeongchang hi South Korea nena an inrina aṭanga 50km vel chauha hla a ni a, tunlaia ram pahnih politics boruak a chhiat em avangin Winter Olympic hi a ngawng mai ang tih hlauhthawnna a lian hle.

Bach chuan, "Rua­hmanna thui tak kalpui a ni tawh a, buaina leh harsatna lian nei loin infiamna thianghlim leh muanawm kan neih theih ka beisei," a ti. Win­ter Games organising com­mittee president Lee Hee-Beom pawhin ruahmanna dang an neih loh thu a sawi chiang ve bawk.