Badminton-ah sum tam dawn

National Senior Badminton Cham­­pionship chu November 2-8 chhungin Nagpur-ah neih a ni dawn a, Badminton Association of India (BAI) president Himanta Biswa Sar­ma chuan lawmman atan cheng vai­belchhe khat sem a ni dawn tih a sawi.

Sarma chuan, "Lawmman hi cheng vaibelchhe khat dawnin kan tipung dawn, last 16 lut chian chuan sum an dawng hnem tura ngaih a ni," tiin season hmasa lama an sem ral nuai 10 aia a pun hnem tur thu a sawi. Lawmman hi tournament-a inlan zawng zawng hnenah nge round sang zawk thlengte tana tihpun tam tur tih chu sawi chian a la ni lo thung.

Sawi chhunzawmin Sarma chuan,"Senior player ṭhenkhat nen inbiakna kan nei tawh a, inelnaah hian tel an tum thu an sawi. Sum semral dan tur la chiang chiah lo mah se lawmman erawh a pung dawn tih a chiang," tiin a sawi.