India squad-ah Yadav leh Shami an kir

Sri Lanka an sawp hnuah India chuan Australia nen ODI series match nga an khel dawn a, ODI match hmasa pathuma India squad tur an puang fel - Sri Lanka a zin ve lo zingah Umesh Yadav leh Mohammed Shami-te chu squad-ah telh an ni.

Hetihlai hian Sri Lanka-a zin zing aṭangin Shardul Thakur chu koh nawn a ni tawh lo a, spinner pahnih R Ashwin leh Ravindra Jadeja-te chu chawlh hahdamna hun pek an ni thung.

India cricket team selector chairman MSK Prasad chuan, "Australia nena ODI series kan khelh tura match hmasa pathum hi player-te dinhmun ngaihtuah chungin kan thlang a, Ashwin leh Jadeja-te hi chawl hahdam turin hun kan pe ta a ni," a ti.

Men in Blue (India sawina) hian Sri Lanka-a tour an neih zawh takah ṭhenawm ram hi test series (3-0), ODI series (5-0) leh T20 (1-0)-ah te an hneh vek a, September 17 khian Chennai khawpuiah Australia nen an ODI series match hmasa ber an khel ve leh ang.

Squad: Virat Kohli (c), Rohit Sharma, Shikhar Dhawan, KL Rahul, Manish Pandey, Kedar Jadhav, Ajinkya Rahane, MS Dhoni, Hardik Pandya, Axar Patel, Kuldeep Yadav, Yuzvendra Chahal, Jasprit Bumrah, Bhuvneshwar Kumar, Umesh Yadav, Mohammed Shami.

Australia tour of India
Warm up game
A Hun A hmun
September 12 Chennai
ODI SERIES
Match A Hun A Hmun
1st ODI September 17 Chennai
2nd ODI September 21 Kolkata
3rd ODI September 24 Indore
4th ODI September 28 Bengaluru
5th ODI October 1 Nagpur
T20I SERIES
Match A Hun A hmun
1st T20I October 7 Ranchi
2nd T20I October 10 Guwahati
3rd T20I October 13 Hyderabad