East Bengal-in an mual hman an duh

Kolkata club East Bengal chuan season thar I League chu an khelmual ngeia khelh an duh thu All India Football Federation (AIFF) hnenah lehklhain an thlen a, Khalid Jamil-a enkawl club khelmual hi I League khelh nan a tlak leh tlak loh chu AIFF hotuten an enfiah dawn.

FIFA Under 17 World Cup atan Salt Lake Stadium chei ṭhat a nih avangin tun hnaiah East Bengal leh Mohun Bagan ten Kolkata stadium hmingthang hi an khelmualah an hmang thei lo a, Barasat, Kalyani leh Siliguri-ah te insawn kualin hei hian inkhel entu lam thlengin nghawng a neiah ngaih a ni.

Hetihlai hian East Bengal khelmual hian I League meuh thleng tur chuan beisei a phak rih lo hlea ngaih a ni a, Calcutta Football League-a fan-ten ṭhutna zawng zawng an luah khat ṭhinna hmunah hian AIFF hian I League nghah an remti kher ang em, tih chu zawnna chhan harsa tak a ni rih.