Tuma hak theih tawh loh tur Lakers J No. 24

NBA club LA Lakers chuan an legend Kobe Bryant-a jersey hak ṭhin number 24 chu midang hak theih tawh loh turin an dah ṭha ta, player dang tan LA Lakers jersey number 24 hi hak theih a ni tawh dawn lo.

Kum 39 mi Bryant hian nikum April thla khan season 20 chhung zet a chenchilh tawh Lakers tan a match hnu­hnung ber a khel a, a hun tawp niah hian point 60 zet a score. American guard hian Lakers tan a khelh lai hian vawi li ngawt NBA champion a nih pui.

Lakers chief executive Jeanie Buss chuan, "Kobe hi Lakers player ṭha leh ropui bik a ni a, tunah chuan a jersey hi midang tan hak a rem ve tawh lo ang," tiin a sawi.

Bryant chuan hetiang dinhmuna din chu a duh­thusam ni mah se a beisei phak ngai loh thu a sawi.