Nelson-a'n Chennaiyin a pan

Dutch winger Gregory Nelson chuan Chennaiyin FC tana khel turin South Indian club hi a pan a, Bahranian club Al Muharraq-ah a contract a tawp avangin free transfer-in a zawm thei a ni.

Kum 29 mi winger hian AZ Alkmaar-ah a career ṭanin kum 18 leka upa a nih laiin Dutch club ṭha tan hian a professional match hmasa ber a khel a, kum 2009-ah loan-in Dutch club tho Roosendaal chu loan-in a zawm. A contract-ah a ngheta lei theihna dan a awm avangin Roosendaal hian a nghetin an lalut a, a kum lehah an chhuah lehnghal.

Bulgarian club lian CSKA Sofia a zawm leh a, thla 18 a cham chhungin Europa League-a a inlan piah lamah domestic cup nomawi a chawipui. India a rawn pan hma hian Ukranian club Metalurh Donestk tan pawh Europa League hial a khel hman a, Bulgarian club Botev Plovdiv leh Kazakhstan Premier League club FC Kaisar tan a khel tawh bawk.