Delhi-in foreign player pahnih lalut
Indian Super League club Delhi Dynamos chuan Spanish full back Edu Moya leh Dutch forward Guyon Fernandez te an lalut. Kum 31 mi Guyon hian Dutch Eredivisie club ADO Den Haag aṭangin Delhi hi a zawm a, kum 36 mi Edu hian Spanish third division club CP Cacereno aṭangin a zawm thung.
Guyon hian international-ah Curacao ram tan a khel a, 2014 Carribean Cup-ah ram tan hian inlanin a hunlaia an head coach Dutch legend Patrick Kluivert khan World Cup qualifier-ah a ko bawk. Kum 2007 khan ADO Den Haag-ah a senior career a ṭan a, Dutch top division club Excelsior, Feyenoord leh NAC Breda te tan a khelh hnuah A League club Perth Glory tan a khel bawk.
Spanish defender Edu Moya hian CF Extremadura-ah a career a ṭan thung a, Spanish La Liga-ah Mallorca, Celta Vigo leh Hercules tana a khelh hnuin Bolivian club langsar Bolivar tan a khel a, tunah chuan India a rawn pan ta.