Season tawpa chhuak tur Nicholas Latifi

Formula 1 team Williams chuan tun season tawp rualin an driver Nicholas Latifi chu an chhuahtir dawn, 2020 aṭanga an thawhpui tawh hian beisei a phak lo - a elpui pahnih George Russell leh Alex Albon te a tluk lo.

Kum 27 mi Latifi chuan, "A tira kan duh leh beisei ang kha chu kan thleng lo, mahse zinkawng nuam leh ngaihnawm tak chu a ni. Tawnhriat tam tak ka neih belh bawk," tiin a sawi.

Williams chuan thla hmasa khan an driver pakhat Albon chu a cham tur thu an sawi chiang tawh a, kum 2023 thleng a cham ang. Ani hi Russell nen an inkawp dawn tihna a ni ang.

Williams chief executive officer leh team principal ni bawk Jost Capito chuan, "Nicholas Latifi hi team tana mi ṭangkai, midang tana inpe zo tak mai a ni a, kan hnena hun a hmang thei hi kan lawm, a kal zelna turah pawh hlawhtlinna chang turin kan duhsak," a ti.