Barca coach-in inkhelh zawh a duh

Barcelona coach Quique Setien chuan La Liga match khelh hmabak la awm chu khelh zawh ngei a duh a, match khelh tur khel zo chung ngeia nomawi chawi a duh thu a sawi bawk.

Coronavirus vanga league an chawlh lailawk hma thleng khan Barcelona hian Real Madrid lakah point hnihin hma an hruai, khelh hmabak hi match 11 ngawt a la awm - thil thleng thei a la tam hle.

Barca coach Setien chuan, "Inkharkhip lai khan player-ten mahni awmhmun ṭheuhah taksa an sawizawi nasa, tunah chuan a takin training ground kan lut thei leh tak tak  tawh dawn a, fimkhur erawh a la ngai hle.

"Match zawng zawng khel zo ngeia league champion nih kan duh a, chutiang chiah chuan Champions League lamah pawh hlawhtlinna chan kan châk hle. Thuneitu lamin inkhel turin a him tawk nia an hriat chuan keini tan hlauh tur a awm lo ang," a ti.

La Liga hi March thla laihawl aṭang khan hri leng vangin an khel chhunzawm thei lo. Spain sorkarin inkharkhipna ṭhenkhat a thlah dul leh tawh a, nimin aṭang khan Barca player 

ṭhenkhat ten training an nei ṭan leh tawh. Training ground an luh hmain hri a kai em tih endik hmasak vek an ni.