Bayern-ah Alcantara a nghet

Spain midfielder Thiago Alcantara chuan Bayern Munich tan contract thar a ziak, a contract rei zawk hi chiang taka tarlan ni chiah lo mah se German chanchinbu te chuan kum 2023 thleng daih a nih an rin thu an sawi.

Kum 29 mi Alcantara hian season khat daih bak contract a nei tawh lo, an pawh sei takah chuan Bundesliga champion tan chanchin lawmawm a ni ang; Barcelona aṭanga Bayern a zawm hnuah match 227 a khelh aṭangin goal 31 a khungsak tawh.

German champion hian tun hnaiah Thomas Muller, Alphonso Davies leh coach Hansi Flick te chu contract an lo ziah thar pui tawh bawk a, tunah hian captain leh keeper ni bawk Manuel Neuer leh David Alaba te pawh contract thar ziak tura dawr mek an ni.

Bayern Munich hian an player neih sa thlun ngheh zel an duh, chutihrualin an squad ti chak zual turin Manchester City winger Leroy Sane chu nipui bazar inhawn hunah lakluh an la tum leh dawn niin an sawi bawk.