Football ngainatute tan Lammual pan zan ; I League champion Vs Chhinga Veng

India rama football club tana inelna sang ber I League-ah Aizawl FC an champion a, nomawi humhim tumin Por­tuguese coach Paulo Menezes an lalut. I League champion hian zanin dar 7:30 hian Lalsangzuala Hmar hnuaia match 14 chak zawn tawh Chhinga Veng an hmachhawn dawn a, tehna hrang hranga aṭanga thlirin inkhel hmuhnawm tak a ni ngei ang.

A ropui e
MPL club-in inelna an hma­chhawn tawh chinah chuan 'champion awlsam' a awm tawh lo a, tualchhung football hrechiangten MPL club-te an intluk tawk ber ṭum tura an ngaih season-ah heti taka Chhinga Veng an che ṭha hi thil ropui tak a ni. A ropuina belhchhahtu chu Chhingcows hian Mizo hlangin an la khel.

Sanga kaihhruaina hnuaiah Chhinga Veng hi match 14 an chak zawn tawh a, goal 78 khung tawhin goal 12 an chhuah a, MFA Super Cup leh I Day Football-ah an champion. An chak zawnnaah hian goal 14 match zawna khung ṭum an nei a, match nga a zawnin goal nga aia tlem lo an khung bawk.

Chak lohna
Chhinga Veng hi uluk leh­zuala bihchian chuan an tlarhnung erawh siam ṭhat a ṭul. An chak zawnnaah hian match sarih zetah clean sheet an nei lo a, goal chhuah loa minute 90 an hman tluanna inkhel hi match nga chiah a la awm.

Chutihrualin Chhingcows tlarhnung hi Aizawl FC nena khaikhin chuan chhuantham a la tling tho. I League club hian tun season-a match 10 khel tawhin goal 12 an chhuah tawh a, clean sheet pawh ṭum thum chauh an la nei.

Portuguese coach Paulo Menezes awm hmain Lengpui tlangval Rohmingthanga hnuaiah match ruk khelin vawi li an chak a, vawi hnih an chak lo. Mizo midfielder hmuhnawm ber zinga mi Rohminga hnuaiah hian goal 17 an khung a, clean sheet ṭum thum an nei bawk.

I League champion puitu Khalid Jamil-a thlaktu Paulo Menezes hnuaiah Aizawl FC-in MPL-ah match hnih khel tawhin Ramhlun North leh Chanmari FC nen 1-1 ve vein an inhnehtawk a, I Day Football-a match hnih an khelhah vawi khat chakin vawi khat dang an chak lo. Portuguese coach hnuaiah Aizawl FC-in goal an la chhuah vek.

Chakna lam
Aizawl FC-in MPL match hnihah point hnih chauh hlawh chhuak mah se an khel erawh a mawi hle.

Portuguese coach hian passing game rang tak khelh hi ka duh dan a ni tiin Vanglaini a hrilh tawh a, khelmualah he a thusawi dikna hi a lang chho zel.

I League club-in goal nawr turin Mizo footballer hmabak êng Jonathan Lalrawngbawla, Rochharzela leh K. Lalṭhathanga te an ring ngam a, tawnhriat nei ṭha S. Malsawmtluanga leh David Lalrinmuana ten an thlawp ṭhat avangin an hmuhnawm.

Chhinga Veng nena an danglam theihna tur tak erawh tharum ngah Liberian midfielder Alfred Kemah Jaryan leh ball pet thiam bik defender Kareem Omolaja te an ni.

Aizawl FC tana thu lawm­awm chu winger ṭha H. Lal­muankima'n hremna a hmang zo a, Bawngkawn tlangval hi thlan a nih chuan a club hlui a hmachhawn thei ang.

I League champion aiin Chhinga Vengin chakna lai an ngah zawk a, tualchhung foot­ball-a tawnhriat nei ṭha Malsawmfela, R. Mal­sawm­tluanga, MS Dawngliana leh Laldampuia te zinga pakhat ringawt pawh hi team tan chakna tham an tling. Goal 78 an thun tawh hian an ṭhatna a nemnghet.

Kan tlarhnung a ṭha - Sanga
Chhinga Veng coach chuan, "Goal chu kan chhuah ngei a, amaherawhchu kan tlarhnungte hi vawi tam kan khingpuiten min chhut letna tur dangtute an nih avangin sawisel ka tum lo. Goal chhuah pawi ka ti lo tihna erawh a ni lo a, attacking game kan khelh avangin goal chhuah chang chu a awm tur a lawm. Kan tlarhnungte hi a ṭha ber zinga mite an ni," tiin an tlarhnung a chhan.

Sanga chuan, "Aizawl FC lakah hian fimkhur a ṭul hle a ni. Coach thar hnuaia an match khatna te kha chu ni se kan ṭawng huai thei deuh ang a, tunah chuan an thil zir an bel ṭan tawh. Goal khung pup pui chi chu an ni lo a, min vaw let thei tur an ni," tiin Portuguese manager hnuaia Aizawl FC game a fak.

Harhtharna chang Red Army
Tun season aṭangin Aizawl FC ṭantu Red Army an inlar ṭan a, veng ṭan chhan nei club aiin thawm an nei ring zawk.

Chhinga Veng lakah pawh hian AFC ṭantute thawm a ring leh dawn a, awmze neia intel khawm an nih avangin team au phur thei turin thawm an nei leh ang.

Chhinga Veng lam dahhniam theih an ni lo a, veng lian a nih bakah result nei ṭha lai an ni. Chhingcows hian coach Sanga hnuaiah Aizawl FC an la hmachhawn lo a, I League club hmaa fiahna an hmachhawn hunah hian Lammualah Chhinga Veng mipui an tam ang.

Lammual inkhel en m,an hi Rs 30/- chiah a ni.

Lalsangzuala Hmar hnuaia
Chhinga Veng chakna match 14 chu
MFA Super Cup
Last 64
Zarkawt FC 0 - 9 Chhinga Veng FC
CVFC : Malsawmfela 6' (P), 58'; Ramfangzauva 16'; Lalram­muanpuia 32', 41'; Laldampuia 65', 66'; MS Dawngliana 79'; Lalchhuanpuia 87'
Last 32
Zo Dreams FC 0 - 14 Chhinga Veng FC
CVFC : Lalchhuanpuia 18', 77'; Malsawmfela 29', 42', 50'; Lalrinchhana Tochhawng 31', 54'; MS Dawngliana 48', 87'; R. Lalawmpuia 58; Laldampuia 61'; Zosangliana Sailo 73'; Shalom Lala 74'; Lalrammuanpuia 89'
Last 16
Chhinga Veng FC 14 - 2 Chawnpui FC
CVFC : R. Malsawmtluanga 5', 66'; R. Laldinliana 41'; Laldam­puia 45+2 ',61',63', 68'; Laldingngheta 51', 86'; MS Dawngliana 70', 81'; K. Lalthlahlova (Patea) 75; Malsawmfela 89', 90'
CPFC: Lalthansanga 14'; Zarzokima 26'
Quarterfinal
Chhinga Veng FC 1 - 0 Bethlehem Vengthlang FC
CVFC : K. Lalthlahlova (Patea) 37'
Semifinal
Chhinga Veng 3 - 2 Venghlui FC
CVFC : Malsawmfela 43'(P); H. Lalrohlupuia 60' (OG); MS Dawngliana 62'
VFC : Vanrammawia Ngente 6'; K. Lalthlahlova (Patea) 14' (OG)
Final
Chhinga Veng 5 - 0 Chanmari West
CVFC : Malsawmfela 31', 34', 49'; Laldingngheta 35';
R. Malsawmtluanga 78'
I Day Football 2017
Group Stage
Chhinga Veng FC 5 - 1 Chanmari West FC
CVFC : Malsawmfela 9'; MS Dawngliana 45'; Lalmawizuala 47' (OG); Laldampuia 69', 83'
CWFC : Lalnunmawia 30'
Mizoram Police 2 - 5 Chhinga Veng
MPFC : Lalfakawma 3'; B. Zoramthanga 10'
CVFC : Malsawmfela 21', 76'; R. Laldinliana 62'; MS Dawngliana 62'; Lalkhawpuimawia 79'
Chanmari FC 1 - 5 Chhinga Veng
CFC : Rochhingpuia 75' (P)
CVFC : Malsawmfela 11'; MS Dawngliana 21', 46';
Laldampuia 61', 86'
Chhinga Veng FC 6 - 1 Rhino Charge
CVFC : Laldingheta 14'; Malsawmfela 16'; K. Lalthlahlova (Patea) 66'; Lalkhawpuimawia 69'; Vanlallawma 81'; Laldingngheta 87'
RHI : Lalneihkima 85'
Semifinal
Chhinga Veng FC 2 - 1 Bethlehem Vengthlang FC
CVFC : R. Malsawmtluanga 16'; Malsawmfela 63'
BVT : Ramengmawia 53'
Final
Chanmari FC 1 - 2 Chhinga Veng
CFC : Jakob Vanlalhlimpuia 2'
CVFC : Lalrammuanpuia 56' ; MS Dawngliana 101'
MPL6
Mizoram Police FC 1 - 4 Chhinga Veng FC
MPFC : F. Lalrinpuia 20'
CVFC : Laldampuia 39'; Malsawmfela 44', 90+2';
R. Malsawmtluanga 67'
MoM : R. Malsawmtluanga, CVFC
Chanmari West 0 - 3 Chhinga Veng
CVFC : Vanlallawma 53'; R. Malsawmtluanga 63'; Malsawmfela 67'
MoM : R. Malsawmtluanga, CVFC