Pep-a enkawl City chak awlsam

Manchester City-in Rotterdam-ah minute hnihna lekah John Stones hmangin goal an khung a, harsatna nei loin mualneitu Feyenoord 4-0 in an sawp.

Nilaini zan Champions League inkhelah City tan English defender Stones-a'n goal hnih a khung a, Sergio Aguero leh Gabriel Jesus ten goal khat ve ve an khung.

Pep Guardiola-a'n nipui trans­fer-a a wing back lakluh pahnih Kyle Walker leh Benjamin Mendy ten Argentine leh Brazilian forward te goal khung tur an siam sak a, inhliam vanga Liverpool nena khel tluan thei lo keeper Ederson-a'n lu tuam chungin goal a chhuah lo.

Monaco aṭanga City zawmtu Bernardo Silva pawhin minute 90 chhung khelin an chakna kawngah a thawh hlawk. Inkhelh banah Pep Guardiola chuan, "Europe-a kan chet ṭhat theih nana sum tam tak senga player kan lalut a, hei hi club lian tih dan tho a ni," tiin an player tharte chu an ṭhat pui thu a sawi.

Group F inkhel dangah Shakh­­tar Donetsk-in Taison leh Facundo Ferreyra te goal hmangin Napoli chu 2-1 in an hneh a, Italian club tana Arka­diusz Milik penalty khungin result a thlak danglam pha lo.